ليش دايماً في مكان بمعدتنا للحلويات؟
بتقول الأساطير أن عنا معدة تانية اسما معدة الحلوى،
بتخلينا ناكل الحلويات قبل أو بعد الطعام حتى لو كنا
شبعانين وما بتأثر أبداً على وجبة الغداء.
علمياً وعملياً ما عنا معدة تانية، بس في سببين بخلو عنا
رغبة شديدة بتناول الحلويات حتى لو آكلين قبلهن كتير
ادمان السكر
دايماً منحس بالمتعة لما ناكل حلويات
وهاد الشعور بنسينا شعور الشبع تماماً وهاد الشي لأن
السكر بحفز عنا نظام المكافأة بالدماغ وبزيد افراز
السيروتونين والاندروفين لتحسين مزاجنا.
زيادة الشهية قبل الوجبات:
الأكل رح يضل فينا نتغدا أو نتعشى بعدها لأن الحلويات
بتحفز عنا هرمون الجريلين المسؤول عن الشعور بالجوع
وفتح الشهية وممكن تساوي مقاومة لهرمون اللبتين
المسؤول عن الشبع وهاد الشي ممكن يسببلنا إفراط
بتناول الطعام.
بالنهاية لازم ندير بالنا ع صحتنا أكتر لأن الإفراط
بتناول الحلويات بزيد عنا الإصابة بتسوس الأسنان
ومرض السكري من النوع 2 والسمنة
ومشاكل طبية تانية بتتعلق القلب والسرطان.
من أسرة موقع طرطوس اليوم
رمضان كريم
دمتم واحبتكم بخير.