جامعة دمشق توضح سبب منع النقاب في الجامعة .
أوضح عميد عميد كلية الإعلام و الناطق الإعلامي بإسم جامعة دمشق الدكتور محمد العمر القرار الصادر عن جامعة دمشق فيما يخص اللباس ومن ضمنها النقاب
حيث قال في حديث لإذاعة شام إف إم “نحنا مو ضد اي طالب بديانته و مذهبه ، الك حريتك ” .
و أضاف العمر “قرار منع البيجاما و الشورت و النقاب موجود من 2010 بس رجعنا اكدنا عليه لانو في تجاوزات عم تصير ” .
و تابع العمر ” النقاب عم يسبب مشكلة ع باب الكليات لانو الطالبة ما عم تكشف هويتها للناس و لا للحرس و نحنا بوضع امني صعب بالبلد ” .
اقرأ أيضاً : التعليم العالي تحدد شروط الاستقالة لأعضاء الهيئة التعليمية في الجامعات السورية .
مضيفاً : ” النقاب بقاعة الامتحان عم يعمل حالات غش و كمشنا شباب متنكرة فيه و عم تقدم عن اخواتا و كمشنا طالبات عم يقدموا عن رفقاتن ” .
و تابع العمر قائلاً : “في كليات عندها جانب عملي و مخابر و ما عم تنعرف الطالبة اللي عم تطلع تطبق عملي و الدكتور ما عم يقدر يميزهن و يتعامل معهن و شغلهن بالنقاب عم يسبب لبكة ” .
وكانت أصدرت رئاسة جامعة دمشق تعميمًا يوم الاثنين الماض ، للكليات التابعة لها أوعزت فيه لعناصر الحراسة بمنع دخول أي طالب يرتدي لباس لا يليق بطلاب جامعة دمشق إلى الحرم الجامعي .
وكما ورد في الكتاب أنواع اللباس الغير لائق ، ضم ، الشورت و اللباس الرياضي ، و النقاب، والكلابية، و ما شابه هذه الأنواع من الملابس.
تابعوا طرطوس اليوم هنا عبر التلغرام