اشتعال الحرب بين حلا شيحة و تامر حسني

بعد عرض اغنية فيلم تامر حسني الجديد و الني تحمل عنوان”بحبك” بطريقة الفيديو كليب على موقع اليوتيوب اشتعلت نيران الحرب بين تامر حسني و شريكته في الفيلم حلا شيحة.

حلا شيحة تنتقد تامر حسني

و بعد ان اطلق تامر حسني فيديو كليب اغنية ” بحبك” من فيلمه الجديد ” مش انا” قامت حلا شيحة بتوجيه اتهامات كبيرة له بسبب طرحه للفيديو كليب حيث نشرت عبر حسابها الرسمي بوست مطول تحدثت فيه عن تراجع تامر حسني عن وعده.

بوست حلا شيحة

و قالت حلا شيحة خلال البوست الذي شاركته و كتبت:”انا اتفاجئت جدا بنزول كليب يجمع فيه مشاهد متفرقة من الفيلم و في ايام ذي الحجة ايام ، خصوصاً بعد اخر بوست نزلته و
و اتفاج اكتر خصوصا بعد وعد تامر حسني ليا وتأكيده انه حيح رغبتي و بعض الطلبات اللي طلبتها منه بكل احترام وود الصيف اللي فات و اكدلي انهيحترم رغبتي ..، احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة”

و تابعت حلا شيحة في حديثها عن مشاهد الفيديو كليب المستخرج اصلا من الفيلم الذي يعرض حاليا في دور السينما :” نتيجة زملائي كل نتيجة ظروف مريت بيها و النجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا و انا عيطت لاني شفت نفسي في المشاهد .. دي كانت زلة ظروف مريت بيها و نغلط و لازم نغلطشان احنا بشر بسنسى المصيبة اننا بنغفل”

رد تامر حسني على اتهامات حلا شيحة

و قد رد تامر حسني خلال بوست شاركه على الانتقادات التي وجهتها له حلا شيحة و كتب:” نهاركم جميل يا أغلى الناس، الحقيقة عمري ما بتخيل إني أدخل في نقاش بالشكل دا مع زميل بحترمه وكان في بينا كل خير، للتوضيح بما إنك يا حلا كتبتي بوست وأشركتي الجمهور الكريم معانا بدال ما كنتي تكلميني شخصياً، ونتناقش بيني وبينك، فا أنا مضطر أرد هنا برضو”.

وتابع تامر حسني في تكذيب لحديث حلا شيحة و قال:” أولاً أنا عمري ما وعدتك إن الكليب مش هينزل دا محصلش أصلاً يا حلا مش أنا خالص اللي أوعد وأخلف، الحقيقه إني احترمت كلامي معاكي، وعدتك أشيل مشاهد تانية طلبتيها وشيلتها بالفعل وشكرتيني عليها ولو حابة تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة”

و أضاف تامر حسني في حديثه عن الفيلم الذي يعرض منذ ٣ أسابيع في دور السينما المصرية و كتب:” وبعدين الفيلم بقاله 3 أسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس، إنما الكليب يتشاف جوه السينمات عادي، منطق غريب فعلاً يا حلا، وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه”.

و ختم تامر حسني بتوجيه عتب و لوم ل حلا شيحة و قال:” أنا زعلان منك جداً يا حلا على مفردات البوست بتاعك غير الموفقة ومستحيل هرد بطريقتك اللي فيها تجريح واتهامات باطلة ليا إحتراماً لحجات كتير يمكن فايتاكي بس مش هتفوتني، وعلى فكرة أنا واثق أنك عارفة أني مستاهلش منك كدا وهكتفي بالتوضيح دا وربنا يهدي الجميع، ويكتبلك كل الخير اللهم آمين”.