ما فينا ننكر انو مسلسل ولاد بديعة عم يعمل عنا ادمان وعم يخليه شغلنا الشاغل وحديثنا الدائم بكل المجالس..ياترى ليش؟!
أسباب نجاح مسلسل ولاد بديعة:
بداية ًطريقة التعريف بالشخصية بشكل بطيء هو شي
بيخلي عنا انتظار للشي يلي جاية
ف كل شخصية بالمسلسل عم ناخد عنا فكرة او فكرتين
بكل حلقة وبنفس الوقت عم يصير احداث تشدنا
هالشي عم يخلينا ننطر الحلقة بكل شغف
يلي رح يصير عند انتهاء العمل انو الشخصيات رح تكون
صارت واضحة عنا والقصة خلصت وهاد ذكاء من الكاتبين وتنفيذ بعناية من مخرجة العمل رشا شربتجي
ومتل ما متعودين انو الخير هو يلي بينتصر بالنهاية
بس هون مافي خير مطلق ولا في شر مطلق
هون بكل شخصية فيا الخير وفيا الشر
وهيك مافينا نعرف شو ممكن تكون النهاية
فقط علينا المشاهدة الممتعة والانتظار والترقب لكل جديد
يعني اسباب نجاح المسلسل كتيرة وكمان في سبب مهم كتير وهو:
يامن الحجلي هو كاتب العمل وبنفس الوقت هو أحد ابطالو
وبكل بساطة عندو قدرة يشترط على الشركة المنتجة
انو ياخد ايا دور بدو ياه
ولكن هو ما بيختار الشي يلي بخليه يكون الشخصية
الظاهرة والترند .. هو بيختار الدور يلي بكون بيعرف انو ملعبو.. وهي الغيرة على المشروع بتسبب نجاح المسلسل
طبعاً الغيرة واضحة من كل القائمين عهالمشروع
وبالتالي هو شي يستحق يحقق هالنجاح كلو..