مسلسل الثمن مشاهد طويلة ولقطات مكررة لا فائدة منها

بعد انتهاء مسلسلات شهر رمضان 2023 توجه المتابعين الى البدائل ومتابعة مسلسلات لم يسمح لهم الوقت ان يشاهدونها وعلى رأس القائمة مسلسل الثمن

مسلسل الثمن سبب ضجر لدى المتابعين

مشاهد طويلة واحداث مكررة  لا فائدة منها ولا تقدم اي جديد – بالعامية – :

بالاحداث الاستاذ زين مقضيها سارة سمعيني و سارة مقضتها زين بتمنى تتفهم قراري

و اول خمسين حلقة قضتها انتبه من ناصر يا زين لدرجة انو نزلو كارلا بطرس عن التتخيتة لمدة خمس حلقات

هيي و عم تحذرو من ناصر بالاخر مات ناصر بأتفه طريقة رجع زين جبلا ميا لتغار سارة

قام ميا من اول ما وصلت لليوم بدا تمرق بكل مشهد جملة عنا ب ايستامبول … تيما صار زاعبها الف وخمسمية مرة و كل مرة بتقول خليني جرب حظي.. ارجع ع اساس ربحانة كرامتها ب ورقة لوتو …

ابراهيم ابن سارة معلق ع كلمة عمو زين و رفيق علي احمد و رندة كعدي حياتهن كلها نكد بنكد ..و قرف بقرف لدرجة الله بعتلهن بومة تكون مرت ابنهن …
خينا كرم كل ما يشوف بني ادم بيقلو ليك انا مريض بس بديش حدا يعرف بيطلع ع ضيعة

ع اساس هيي بالجبل اسمها حبالين فيها مرفأ عل بحر و فجأة كل امة محمد صار عندن مشاوير بالصدفة ع حبالين

و كل شوي يلتقو فيه بالصدفة و بين كل مشهد و مشهد دعاية لعلكة المينتوس اللي ذلت اهلو للمسلسل انها الراعي الرسمي الو …
مسلسل يلش اول حلقتين قوي صرنا بالخمسة و سبعين هلق صدقوني اذا بتقفوهن كلهن مش حتحسو بالفرق .