ماجدة الرومي توجه رسالة هامة الى المغتربين خلال حفل في الامارات

وجهت الفنانة اللبنانينة ماجدة الرومي رسالة هامة الى الشعب اللبناني قبل احيائها حفل دبي في الامارات حيث تضمنت رسالتها كلمات مؤثرة

رسالة ماجدة الرومي

الفنانة اللبنانية ماجدة الرومي خلال احيائها حفل لها في الامارات قالت :”  كنت بحب احملكم معي اخبار طيبة او عيدكم بعيد الاستقلال … بس انتو وانا منعرف انو لبنان قراره محتل من 1975 ( الحرب الاهلية اللبنانية ) 46 سنة… ونحن من محتل للتاني للخاين للثالث ما بتخلص قصصنا ونحن منتعرض لاعنف …عملية تجويع وتخويف وتهجير وقتل مجاني ومعنوي ومادي وجسدي تعرضلو الشعب دون توقف 46 سنة وبعدنا صامدين

شو عم يعملو ونحن صامدين بقوتنا ؟… لا اكيد لا بقوة الله رحمة الله معنا

انتو متغربين  ؟ لا .. انتو مش متغربين انتو بعدكم ضمن الوطن العربي الاكبر .. ي نحنا مننتمي الو واللي حاملين هويتو .. نحنا بعدنا ضمن الخليج العربي .. يلي بتعنينا سيادته وحريته واستقلاله قد نور عينينا .. نحن بالاماارات .. وشو الامارات وشو نحنا  ؟ صار فيها لالنا اهل وناس اكتر من مافي بلبنان .. هي بلد اخوتنا وناسنا واحبائنا .. انتو بدبي بمدينة المستقبل شو احلى من انكم تكونو بدبي .. حطو ايديكم مع ايدين الناس اللي عم تعلي وتعمر .. تحطو ايديكم مع ايدين ناس كبار بتشجر الصحراء .. تحطوا تفوقكم بخدمة بناء افضل للكل .. شو اشرف الكم تساندوا شهداء الداخل اللبناني ناسكم واهاليكم .. انتوسبب لنحن نصمد جوا .. انتو مين انتو  ؟ انتوعساكر بالجيش اللبناني انتو عم تدافعوا بالثقافة والفنون الجميلة وبالخير والحب وبالعلم والتفوق عن لبنان السيد الحر المستقل اللي ما منتنازل عن سيادته ”