تصدر اسم الفنانة شيرين عبد الوهاب و طليقها حسام حبيب الترند و الحديث عبر مواقع التواصل الاجتماعي منذ ايام بعد توجيه حسام حبيب اتهامات لها بفضحها، فقامت شيرين بكشف الأمراض النفسية التي يعاني منها الأخير.
شيرين تكشف الحقائق
تحدثت شيرين عبد الوهاب أثناء مداخلة هاتفية مع الإعلامية لميس الحديدي عن المشاكل التي يعاني منها طليقها حسام حبيب.
حيث جاءت هذه التصريحات بعد قيام حسام حبيب بتهديد شيرين بنشر وثائق تدينها و تفضحها.
و قالت شيرين خلال حديثها :
“أنا آسفة إني بتكلم في موضوعي، الناس أكيد عندها مشاكل كبيرة وأهم مني”
تابعت شيرين حديثها و قالت:
“كنت عايشة مع زوج مبيشتغلش ومبيخرجش، بقيت 24 ساعة في غرفة نومي، مبعملش حاجة، قاعدة وبس.
لكن و عند سؤالها عن سبب تصريحاتها السابقة و التي تعتبر كاذبة قالت شيرين :
” كل الناس عارفة إني كانت بحاول أجمّل صورته، وأنا كنت عايشة مع راجل تقريبا معندوش غير حب الامتلاك، وفضلت جنبه على أمل النجاح، فأنا خدامة الراجل اللي أعيش معاه”
أيضا قالت شيرين عن اصابتها بكورونا :
“بعد كورونا اتدمرت على إيد حسام، وشغلي مكنش بيتعمل، وهو إنسان مزاجي جدًا، وخسرني كل الناس: أخويا وأختي وأمي وأصحابي وسواقي والشغالة بتاعتي”
لكن ما سبب صدمة للمتابعين هو تصريح شيرين عن تعرضها للضرب فقالت:
” شفت خناقات كان فيها ضرب وسحل على الأرض وشتيمة مفيش إنسانة تقبلها على نفسها”
” ولما اتطلقت حاولنا نرجع تاني، وقلنا ندي فرصة تاني بشرط إني نعيش في بيت تاني ونبعد بناتنا عن المشاكل ونشتغل”
و لفتت شيرين انها عادت لحسام بعد قص شعرها و قالت:
” اتطلقت لما قصيت شعري طلاق بائن، ولما هديت حسيت إني مش قادرة أستغنى عنه وإني ممكن اديله فرصة تانية”
” علاقة الزواج مقدسة جدا ولازم نحافظ عليها، وأنا كنت بحبه وفاكراه ابني مش جوزي بس”
” اهتميت بيه وعملت له استوديو واشتريت له كل الأغاني اللي عجبته بشيكات باسمي علشان أضمن متروحش منه وبعدين يتهمني إني تخنت وبقيت شبه أمي وهو عايز واحدة رفيعة يتباهى بيها قدام الناس”
لكن اكدت شيرين انها لم تستطع الاستمرار بسبب عدم تغيره فقالت :
” لما حاولنا نرجع تاني بالشروط الجديدة، رجع بيتدخل في كل شيء، معندوش شغل وفاضي، كرهّني في بناتي”