بعد الحادثة المروعة التي هزت محافظة طرطوس امام المحكمة والتي راح ضحيتها المحامي ملهم محمد على يد صهره يحيى حمود نشرتQ Street Journal عن صديق المحامي ملهم قصة تروي الحادثة
المحامي علي زيفا يروي ماحدث في تفاصيل جديدة
المحامي ملهم محمد واخيه مهند والقاتل ضحية انفجار قنبلة امام محكمة طرطوس
روى المحامي علي زيفا في تسجيل صوتي له ماحدث:
” عند خروجي تطلعت لقيت القاتل شايل صمام الامان عن القنبلة وماسكها بايدو وحاطا ببطن المحامي ملهم.. لما شافني الاستاذ ملهم واللي هوي زميلي من 10 سنوات .. قلي استاذ علي بس فيك تاخد الشنتة مني .. كان هوي متوقف عند السور الخارجي للمحكمة .. حاجزو القتل .
اقرأ ايضاً : مواطن يفجر “قنبلة” بمحامي على مدخل محكمة طرطوس (صور + فيديو ) بالضغط هنا
طلبت الاذن من القاتل .. قلتلو بدي قرب باتجاهك .. ولما قربت انا شفت انو حاطط القنبلة بكيس اسود وماسكا بايدو اليسار واحطط ابهامو عليها .. وحاطا ببطنو للمحامي ملهم .. وكان محتجزو بطريقة احترافية .. فأي حركة كانت بتعمل كارثة .
اجيت انا اخد الشنتة وقلتلو للقاتل فيني احكي انا وياك شوي ..بس بدي اعرف شو الدافع .. فجاوبني قلي انا تشردت عيلتي وولادي وانا ما ضل عندي بيت ..
قلتلو انا مشكلتك بالبيت مشكلتك بوجود بيت ؟! مشكلتك مادية مصاري ؟!
هي الشنتة اللي عطاني ياها ملهم مليانة مصاري …
قلي شو طلبك ..
جاوب انا اليوم بدي اقتل المحامي ..
اقرأ :ما قصة يحيى حمود مع المحامي ملهم محمد ؟! بالضغط هنا
قلتلو انت مو بس رح تقتل المحامي رح تقتلنا كلنا القنبلة اللي ماسكها رح تروح كل شي موجود
قلي انا ما بدي اقتل حدا انا بدي امشي .. قلتلو انا فيني خليك تمشي .. قلي بدي روح واخدو معي اذا بتخلوني روح واخدو معي بمشي
وراك حديقة فاضية ببهو المحكمة فيك ترمي القنبلة فيا وفينا نحل الخلاف ..
بهي اللحظة دخل شخص هوي اخ المحامي وسمعت ملهم عم يقلو بايدو قنبلة هون تكت القنبلة حاول ملهم يدفش القاتل عنو بس كان حاضنو وانفجرت
كما اختتم المحامي زيفا :” كان ملهم يحكيلنا عن صهرو وانو في خلافات من اكتر من سنتين نتيجة طلاقو من اختو وطالبنا بشغلات كتير .. وانو صهرو هددو اكتر من مرة بالقتل كونو بيحوي مسدسات وقنابل ”
تابعنا عبر التلغرام ليصلك كل جديد اضغط هنا