صدر منذ ايام قرار يقضي بإغلاق المنشآت السياحية و المحال التجارية في دمشق في أوقات محددة و فتحها في أوقات محددة ، و أثار القرار غضب الشعب و الشارع السوري.
شكران مرتجى تعلق على قرار الاغلاق
و تصدر قرار الإغلاق الحديث عبر مواقع التواصل و كان من بين المنتقدين و الرافضين لهذا القرار الفنانة السورية شكران مرتجى و التي كتبت عبر حسابها الرسمي على فبسيوك: “مرحبا
إلى من يهمه الأمر ولا أعتقد يوجد …لذاااااااااااااااااا
بالنسبه للصبيه والشب اللي حاجزين لعرسهم من سنه ومايترتب عليه من إجراءات شو يعملوا هلق؟؟؟؟؟
مو المفروض مهلة عالأقل شهر لحتى مايطلقوا من هلق ويبطلوا يتجوزوا ؟؟؟؟”
و تابعت و كتبت :”بالنسبه للناس اللي بتروح عالمطعم وممكن تضل خمس ساعات على كولايه بس مشان الكهربا والنت والمكيف شو يعملوا؟
بالنسبه للي بده يسكر محله ويروح عالحانه ليشرب سم الكراتي (بدون كحول)لينسى همه وينسى قرارتكم لبين مايغير أواعيه بتكون سكرت الحانه
.وبين حانا ومانا ضاعت لحانا شو يعمل هلق ؟ اللي بمحله بالسوق ع فكرة مو طاير عقله كتير بالقعده بس مشان يلحقلكم مصاري ويتنفس هوا نضيف ويفش قلبه لجاره شو يعمل هلق؟”
و ختمت بقولها :” واقتراح إبقاء المشافي ٢٤/٢٤
مشان الجلطات الله يحمكيم
سؤال بريء ….إيمتى بتحبوا نندفس وإيمتى نفيق؟ بعد التفكير والتمحيص والتدقيق حبيت ظن ظن خير بالقرار بركي ليجيبولنا الكهربا بالليل ممكن ع فكره
الجماعة ممكن يكونوا حبابين
بحبك سوريا “