كانت والدة شكران مرتجى أقرب الناس اليها و احبهم، و سبب وفاتها صدمة كبيرة للفنانة التي ما زالت تعيش الاسى و الحزن ذاته بعد مرور اكثر من شهرين على وفاتها.
شكران مرتجى تستذكر والدتها
شاركت الفنانة شكران مرتجى منشورا مطولا عبر حسابها الرسمي على فيسبوك استذكرت فيه والدتها الراحلة.
حيث عبرت شكران خلال حديثها عن حزنها الكبير و شوقها لامها بعد شهرين من وفاتها.
فجاء في المنشور :
“كتار بيشوفوا حزني ع أمي مبالغ فيه
بعرف ،ولكن الحقيقة وفاة أمي فجرت حزن العالم كله اللي جواتي
ماكنت بعرف إني صابره ع كتير شغلات بالحياة لانه كان فرحي وجودها ولو ماشفتها كل يوم
كانت محققتلي حالة من الرضا غريبه وحاله تقبل كل الظروف بطريقه غير مباشره..وفاة أمي الشعره التي قسمت ظهري نعم
هلق انا بحالة من عدم تحمل أي شي ”
و تابعت شكران في حديثها:
” كانت هي بمثابة الداعم لقلبي كل مابده يفرط هالداعم مابيخليه بعتقد في شي هيك بجراحة القلب واذا مافي بقترح يعملوه وخاصة للي فقدوا أمهاتهم أو داعميهم من الأحبه”
هذا و أضافت موجهة حديثها للمتابعين المنتظرين عودة شكران المرحة صاحبة الضحكة الجميلة :
“بالمختصر اللي ناطرني أرجع متل ماكنت هئ وتسئ ومابعتقد صعب كتير مو لاني دراما كوين
لانه أمي أخدت معها كل شي حلو
أنا هلق بستحي أضحك وإذا بدي أضحك شوي شوي مارح أعرف كيف
مابعرف شو قادم الأيام أكيد الحياة بدها تستمر بس مو متل قبل ٣/٢٦ /٢٠٢٢”
و ختمت حديثها بشكر الله على على كل حال و رضاها بقضاء الله و قدره فكتبت :
” الحمدلله ع كل شي بس بعد أمي رح أحفر وطم وباقي ماتبقى بعد أمي هو عبث وماقبل وفاة أمي غير مابعد رحيل أمي ..كتار رح يفهموني الله يرحم أمهاتكم وكتار مارح يفهموني الله يخليلكم أمهاتكم”