تعرض الفنان السوري قاسم ملحو لعملية نشل لمخصصاته من مادة البنزين ونشر ما حدث معه عبر حسابه الشخصي على الفيسبوك
قاسم ملحو و البنزين
حيث كتب ملحو :
اجتني رسالة البنزين بموعدها رحلت ع الكازية المحددة
وقفت ع الدور
وصلت ع الطرنمبه عطيتلو البطاقة قلي نقطع ال25 ليتر قلتلو اي نعم
سالتو ع علب الاوكتان اللي عندو نده لزميلو المختص ببيع علب الاوكتان اخترنا وحدة وهي الاغلى
قام قلي اللي عم يعبيلي ياريت فضيناها قبل مانعبي البنزين المهم سحب الفرد بعد شوي وفضى العلبة بالدابو وكان المؤشر ع شاشة الطرنبه مكتوب 25 ليتر
وتصور معي بموبايل رفيقو وطبعا اجاني رسالة ع موبايلي انو تمت التعبئة
قبل ماادخل الكازية كات مؤشر البنزين ع النص والكمبيوار كاتبلي انو الموجود من الوقود بالدابو بمشيني 260 كم
بعد ماعبيت وطلعت من الكازية انتبهت انو بالتابلوه كلشي ع حالو المؤشر ع النص والمسافة اللي بتمشيني عليها بنزينات الدابو 260 كم
سالت الاصدقاء
رايهم المؤشر معلق
قالوا طفيها وشغلها للسيارة
طبعا ماارتفع المؤشر
الحادثة من يومين
هلق رحت ع كازية الاوكتان كنت متوقع تاخد السيارة 10 ليتر
اخدت 40 وطلع المؤشر للحد الاقصى
وقتها فقط اتاكدت انو صاحبنا تبع الكازية من يومين ماعبالي ولانقطة بنزين
اي والله هذا ماحدث..