الفنانة تولين البكري تعطي رأيها ببعض الأقوال التي تستنكر عودة السكان الى اعمالهم التي تعطلت بسبب فيروس كورونا

الفنانة تولين البكري تعطي رأيها ببعض الأقوال التي تستنكر عودة السكان الى اعمالهم التي تعطلت بسبب فيروس كورونا

بعد تفشي فيروس كورونا المستجد و لجوء السكان للحجر الصحي المنزلي و تعطل اعمالهم خرجت بعض الافواه لتتلفظ باقوال تستنكر فيها عودة السكان للعمل فخرجت الفنانة تولين البكري لتعطي رأيها بهذه الأقوال

فنشرت الفنانة السورية تولين البكري على صفحتها الشخصية بمواقع التواصل الاجتماعي تعبر عن رأيها بالاوضاع بشكل عام و احتياج السكان للعمل و على حد تعبيرها ان لم يقتلهم الفيروس سيقتلهم الجوع فقالت تولين : “كلمتين واللي بده يزعل يزعل ، هي الناس اللي نازلة طج بوستات عن القطيع اللي فلت بالشوارع اليوم بحب قلهم خليكم بمدينتكم الفاضلة و تركوا الناس بهمها ، هي الناس اللي نزلت مبارح صرلها شهر محجورة ببيتها بدون شغل و بدون دخل و بدون ما حدا يقلها شو لازمك ، ما نزل( هالقطيع) ليتسيرن و لا نزل و خاطر بصحته لأنه جاهل ، نزل لأنه مجبور ، نزل لأنه سمان حارتهم صار بده يجمع ملايين من الحجر ، نزل ليشتري طبخة من سوق الهال ارخص بمئة ليرة ليوفرها لأولاده ، او نزل ليدور على رزقة يطعمي ولاده منها ، لما كيلو الليمون بيصير سعره 2500 ليرة لا تسأل ليش نزل (القطيع) عالشارع ، لما كيلو اللحمة سعره 12000 و كيلو الدجاج 2500 و الزيت و السمنة و السكر و الرز و البرغل و البصل بحلقوا للسما لا تسأل ليش نزل (القطيع) عالشارع ، هي الناس مافيها تاكل بسكويت ، هي الناس بدها تاكل خبز من خبز الحكومة و لو مفتفت مو محبة فيه بس لأنه حق الربطة 50 ليرة ، حلو عن كتف هالناس وارحموها شوي ”

المزيد من الأخبار عبر موقع طرطوس اليوم هنا 

تابعوا قناة طرطوس اليوم عبر التلغرام هنا