شهد برمدا :انتمي لله وانتمي لدين الحب وللانسانية ..شو القصة مع رابعه

استضافت رابعة الزيات الفنانة السورية شهد برمدا في برنامجها شو القصة مع رابعة .

اثناء حوار رابعة مع شهد برمدا في برنامج شو القصة مع رابعة ذكرت شهد برمدا اسباب قلة ظهورها الفني و قالت :

-قلة ظهوري الفني لانو عايشة تشتت بين عائلة ملتزمة والفن.

-انا عيلتي جدا محافظة من الجهتين يعني في عنا قسم متدين تبع صوت المرأة عورة وصوت الكعب يا لطيف واذا رديت ع التلفون ياويلك ، القسم التاني قسم متعلم وذو شأن وبشوفو الفن اقل شأن منن

– وقت كنت بعمر العشر سنين كنت روح احضر حلقات دين، كنت حس انو في خنقة لانو الدين مالو متشدد لهل درجة .

-كان عمري 13 سنة اجا بابا قلي انو كبرتي وخلص يا بابا بدنا ننسا الفن ونترك هل هواية
وتحضري حالك وتبلشي تلبسي الحجاب .. بس بعدين اقتنع وحط شروط انو كون ملتزمة متل ام كلثوم .

– الحجاب مع احترامي الو ، وعيلتي محجبين وامي واختي محجبة. بس انا بشوف انو العيون والشفايف فيهن اغراء اكتر من تخباية الشعر.

-انا مع كل الخطوات البطيئة يلي ماشية فيها بس كتير فخورة ومعتزة بحالي انو بقدر كون مع اهلي وشوف ايا فيديو او حفلة الي .

-اناشفت سيدنا محمد يعني شفت نور بالمنام وعم يقلي انو الله عطاكي هبة ووظفيها بالطريق الصح وهون انستي بدرس الدين صارت تقلي هي اشارة انو توظفي صوتك بالانشاد.

-انا حاليا بصلي بكل الطرق مرات بصلي الصلوات الخمسة .. و احيانا بكون اعدة بيجيني شعور انو صلي بصلي بقلبي ومن دون ما مد سجادة الصلاة لانو الله شايفني .. وبيعرف نيتي . رب العالمين ما حط حواجز بينا وبينو .

-انا مسلمة متصوفة وبحب تعاليم ديني وبحب تعاليم بوذا لانو انسانية … طبعا مو بالضرورة كون متفقة معو بكلشي ، بالنهاية كلن بيدعو للاخلاق.

كما في ختام حلقة البرنامج شو القصة مع رابعة طلبت رابعة كلمتين من شهد للجمهور
ردت شهد قائلة : انا شهد انتمي لله وانتمي لدين الحب وللانسانية.

تابعنا عبر التلغرام بالضغط هنا