حلا الترك ترفع قضية على والدتها منى السابر … والأم ترد

0

حلا الترك ترفع قضية على والدتها منى السابر … والأم ترد

بعدما قالت منى السابر، والدة حلا الترك من خلال حسابها على سناب شات، “رح اتكلم ولازم اتكلم لأنه خلص ما في مفر”، حيث أكدت أنها سوف تكشف عن معلومات وأسرار جديدة بخصوص خلافها مع إبنتها حلا، والذي شغل الرأي العام في السنوات الماضية، وتجدد مؤخراً.

وفي لقائها مع et بالعربي قالت “الأشياء اللي بدي إكشفها إنه حلا رافعة علي قضية”، وأضافت “بالنهاية هي مثل ماقلت لك هي مو في يدها لأنه اللي حواليها والجو بشكل عام، ما في بنت اصلاً بترضى انه هي ترفع قضية على امها، يعني اتمنى من الجمهور ما يحكم على حلا لأنه ما حدا بيعرف كيف الظروف اللي حلا عايشتها”.

وعن لقائها بـ حلا في المحكمة، قالت منى وهي تبكي، “ما بعرف كيف بدي اوصفلك هالشعور البشع، شفتها بس هي كانت بدها تسلم علي بس ما خلوها تسلم، يعني ما في ام بتستوعب الشي اللي عم يصير خاصة لما تشوف اولادها في محاكم، لكن بتمنى من القضاء انه ينصفني لأني تعبت وبدي ولادي يرتاحو”.

وأضافت منى السابر “والله ما بعرف شو بدي أقلك يعني أنا ما بتمنى إنه أشوف حلا تنحط في مواقف وأنا أنحط بهاي المواقف لأنه بالنهاية أنا أم وبعاني يعني بالنهاية أنا شو رسالتي بدي أولادي يعيشوا في بيئة صحية”.
وتعليقاً على لقاء حلا الترك مع مصطفى الآغا ببرنامج “صدى الملاعب”  عندما سألها عن أهم 3 أشخاص في حياتها، قالت منى السابر “ما حبيت اللقاء اللي صار وكيف طريقة الأسئلة وحلا ترا بيبي لساتها قلبها، أقصد مو إنه في عمرها، اسألتها اللي بتيجي فجأة يعني بتنحط بمواقف انا بصراحة انا جدا جدا مستاءة وزعلانة انه تنحط بهاي طريقة الاسئلة يعني ما عجبني ابداً”، وأضافت “بالعكس انه هي ذكرت بعض الاسامي انه ليهم الفضل لكن بالنهاية هذا الشي عم يدينها لأنه هي عم تهمش ابوها وامها وهذا الشي مو من مصلحتها، وحتى لو حلا ما بتحكي معاي ومقاطعتني بس كصورة قدام الناس انه تطلع بهاي الطريقة انا ما اقبلها عليها”.

ووجهت منى السابر، رسالة لإبنتها حلا الترك، من خلال ET بالعربي “أنا بقلها يا حلا انا أم، وما رح تعرفي قيمة هاي الكلمة الا لما تصيري أم، إنتي بالنهاية بتضلي بنتي وبدي أشوفك أحسن العالم بس بليز حسي في أمك حسي في أمك قديش عمال تعاني، لأنه أنا ما بحبك تنحطي بهاي المواقف وخاصة إنتي معروفة، والكل انا متأكدة هما حابين انه حلا تكون بحضني، وإن شاء الله اشوفها عن قريب لأنه انا فعلا حابة اشوفها يمكن انزل دبي اشوفها بشوف كيف الطريقة، بالنهاية نحنا مو ماخذين شي من هالحياة، لازم الواحد يعيشها بسلاسة بدون مشاكل وصراعات بالنهاية هذول ولاد رح يكبرو ويصير عندهم عيل كيف بدهم يربوا اولادهم ؟ بس ولا حول ولا قوة الا بالله”.

المزيد من الأخبار عبر موقع طرطوس اليوم هنا 

تابعوا قناة طرطوس اليوم عبر التلغرام هنا

اترك رد

لن يتم نشر عنوان بريدك الإلكتروني.