حل الفنان حسن خليل ضيف مع الإعلامية رابعة الزيات في برنامج “شو القصة” يوم امس، و تعرض حسن خليل يعد اللقاء الى انتقادات كثيرة بسبب حديثه عن هروبه من المعجبات بعد نجاح دوره في مسلسل كسر عضم.
حسن خليل يوضح التصريحات
و بعد تعرضه لهجوم كبير عير مواقع التواصل الاجتماعي بسبب حديثه عن موضوع المعجبات.
قام حسن خليل بمشاركة منشور مطول عبر حسابه على فيسبوك وضخ فيه اللغط الذي حدث.
فقال حسن خليل في المنشور الذي شاركه:
“بعد الضجة يلي صارت بخصوص مقابلتي ببرنامج #شو_القصة مع الإعلامية اللطيفة #رابعة_الزيات.. اقتضى توضيح ما يلي :
أنا #حسن_خليل الشخص يلي انتظر 13 سنة ليوصل للحظة يلملم فيها شتات سنين تعب و جهد مرّت، و انتظرت لأحصد نجاح من السعي يلي سعيتو بالسنين يلي مضت..
لقائي مع السيدة رابعة الزيات كان تجربتي الأولى لمقابلة طويلة و تفصيلية عن حياتي و شغلي، و بهالمقابلة أنا كنت “أنا”.
أيضا تابع حسن خليل و كتب:
“يعني كنت حسن يلي الناس القراب بيعرفوه، لا كنت حسن الفنان ولا كنت حسن خليل يلي أخد مكانة بعد شخصية علاء بمسلسل كسر عضم. للمخرجة رشا_شربتجي.”
حيث تابع موضحا اللغط الذي اثاره موضوع المعجبات فقال:
“اللغط يلي صار بخصوص موضوع المعجبات، خانني فيه التعبير و لكن لم أكن أقصد فيه التقليل من قدر الناس المقصودين، خصوصاً أن أنا شخص اختبرت فضل هالناس عن طريق محبتهم/هنّ يلي عطتني الدافع و كانت هيي الأجر الكبير و تعويض التعب فعلاً..
فمن هالمنبر هاد أنا بعتذر عن سوء التعبير، و بأكد على امتناني لكل شخص دعمني ان كان من المقربين أو من المعجبين من الناس. ”
بعد ذلك ختم حسن خليل منشوره و كتب :
” و بالختام، بتمنى بالأيام أن ننتظر لنشوف الصورة الكاملة قبل ما نحكم عالناس مشان اذا الغلطان فينا نلتمسلو عذر ما نظلمو لمجرد شي سمعناه و ما عرفنا تفاصيلو.
و شكراً للناس يلي تأكدت من نيّتي بعد ما شافوا المقابلة الكاملة.”