أعلنت الفنانة إيمي سالم عن تصرف مهين قام به المخرج محمد سامي أثناء تواجدهم في حفل زفاف نيللي كريم
حيث اشارت إلى أنه قام بتصرف أهانها في حفل زفاف نيللي كريم و عبرت عن غضبها من هذا التصرف
هذا ما كتبته إيمي سالم على فيسبوك
وكتبت إيمي سالم على حسابها الشخصي “فيسبوك”:
“فيه حاجة سيئة حصلت، وكنت في حيرة أكتبها ولا لأ، لكن قررت أكتبها،
ورغم إنها حاجة سيئة، لكنها حصلت للأسف في يوم سعيد جدًا، هو يوم فرح أختي وحبيبتي نيللي كريم،
طبعًا قبل أي شيء مبروك للمرة المليون لنيللي، وكان يوم يجنن، وده سبب سكوتي امبارح، لأني كنت عايزة الفرح ميتعكرش صفوه وجماله”.
وأضافت: “طبعًا كلنا شفنا مسلسل “نسل الأغراب” في رمضان، المسلسل اللي انتقده نحو الـ 300 مليون عربي،
اللي انتقده حتى صُناع العمل نفسهم وأبطاله كمان، وشفنا فيه إهدار المال بشكل مرعب”.
و تابعت إيمي:” القصة إني في رمضان وقت عرض المسلسل، كنت زي كل الفنانين غالبًا مش عاجبني المسلسل،
فكتبت تعليق على بوست كتبه الصديق أيمن سليم السينارست، وكان تعليقًا منتقدًا للمسلسل،
والنقد زي ما اتعلمنا جزء من الفن، ولازم الفنان يتقبل النقد، لأنه ده الدافع الوحيد لتحسين أدائه وتحسين إنتاجه”.
و أكملت : “أنا مش هحكي عن علاقتي السابقة بإخوات الأستاذ محمد سامي البنات، وبزوج أخته اللي أعرفه قبل ما حتى آجي أعيش في مصر،
إمبارح وأنا بتحرك في الفرح، لقيت الأستاذ المخرج المحترم أوي في وشي هو ومراته النجمة الأحادية التي لا تتكرر، فأنا لأني بنت ناس..
ولأني علموني إن انتقاد شيء قدمته في الفن مش خناقة وعركة، فلقيتني بنية صافية بقوله، هتسلم علي ولا مش عايز؟”.
وأضافت: “فما كان من الأستاذ محمد سامي المحترم أوي والراجل خالص، حرفيا بيدفعني بإيده بشكل عنيف وبيوسع الطريق لمراته،
وكمان بيتلفظ بألفاظ سوقية عني، أنا سكت بس لحسابات، لأن تربيتي أولا متسمحش إني أنزل لمستوى الشوارعية والسوقية ده.”
ثم أنهت : “لكن حبيت أحكي الموقف بشكل علني هنا، عشان نعرف كلنا إزاي الأستاذ المخرج، شخص لا يعرف معنى الفن، ولا الزمالة ولا سمع عن الأخلاق، ولا يعرف ما معنى احترام المرأة.”