الفلكي منيب الشيخ يتكلم عن تأثير فيروس كورونا المدمر في العالم بشكل عام و سوريا بشكل خاص

0

الفلكي منيب الشيخ يتكلم عن تأثير فيروس كورونا المدمر في العالم بشكل عام و سوريا بشكل خاص

نشر الفلكي منيب الشيخ على صفحته الشخصية في انستغرام منشورا يتكلم فيه عن تأثير فيروس كورونا المستجد في المدار الفلكي و العالم

حيث تناقلت وسائل التواصل الاجتماعي كلام منيب و الذي أوضح أن هذا الفيروس سيعيد ترتيب بعض الأمور في العالم كما سيدمر بعضها الآخر و قال في منشوره : ”
الاوضاع الفلكية يلي عم تحصل حاليا هي مخاض لولادة عالم جديد بمعنى الكلمة..
التأثيرات العميقة يلي عم تحصل على كوكبنا وحجم الاحداث الكبير يلي ماحدا عم يعرف ليش وكيف عم يصير..
نحنا قدام حالة فلكية تعتبر مدمرة لتعيد البناء من جديد بمعنى في كتير قصص لازم تنتهى لتبلش قصص جديدة..
رح بلش مع اقترانات الكواكب يلي حصلت وعم تحصل ببرج الجدي وخاصة لما يكون الوضع متعلق بكوكب بلوتو الدموي يلي معروف عنو انو بيهدم ليعيد البناء وهو الكوكب يلي بدل على الموت بالتنجيم الفلكي وهاد الكوكب عم يكمل مسيرتو ببرج الجدي ليأثر عبر سنوات ماضية على كتير من الانظمة والقادة والمشاهير ويعمل انقلابات كبيرة بالعالم..
وهالشي تعزز ببداية هالسنة لما اقترن بكوكب قاسي هو زحل وادى هالشي لزيادة وفيات ملحوظة واكيد الاهم هو دخول المشتري الكوكب يلي بضخم الامور وبخليها اكبر وهاد الشي يلي شفناه واضح بالضخ الاعلامي الكبير لقضية الكورونا..
الفكرة انو حاليا في اقتران ببرج الجدي بين تلت كواكب المشتري وبلوتو والمريخ وبدرجة اقل مع زحل يلي عم يدخل ببرج الدلو باول يوم الو وهالشي بخلينا نشعر بحجم هائل من الطاقة عم يتحرك باتجاه قصص قادمة وعم تحصل..
التوقعات كانت قبل بانو المريخ رح يزيد عدد الوفيات بالاقتران مع بلوتو وهالشي عم يحصل وعم يزيد وتقريبا نحنا حاليا بذروة الامور..
بالاضافة انو عم نشوف تواجد المشتري الكوكب يلي بضخم الحظوظ مع هالاقتران السلبي عم يعطي تأثيرات كبيرة وخاصة بالمجال الاعلامي والضخ الكبير لقصة وفايروس الكورونا..
عم نشوف انو بلشت الاوضاع تأثر اكتر على المشاهير واصحاب السلطة تباعا وشفنا اسماء مهمة وكبيرة عم تتعرض للخطر والموت وبعد في قائمة طويلة قادمة وخاصة انو نحنا بمرحلة حساسة وتعتبر ذروة التأثيرات يلي فيها…
الوضع بسوريا على صعيد الكورونا بخلي اليوم وبكرا من الايام المصيرية وكنت رح اكتب عن هالشي فاول حالة كانت اليوم والقمر ببرج الحوت والكواكب بالجدي فهالشي بخلينا اذا اخدنا على الاستقلال السوري ب17نيسان بكون في خضة هاليوم وحصلت وبكرا كمان يوم مصيري لازم ننتبه واذا على الخارطة العالمية لسوريا فهي من برج العذراء والطالع السرطان وهالشي بحدد انو اليوم في عدو رح ياذي ورح يكون من جهة خارجية وهي المطار او من برا البلد..
اصابة ميركل بالكورونا هو شي طبيعي لان الخطر عم يلاحق اشخاص مهمين خلال هالفترة والفترة القادمة..
خلونا نفكر صح ونقول يارب هي فترة مهمة ومصيرية وانشالله خلال شهر بتبلش هالاحداث تنحسر تدريجيا وبكون الوضع افضل لكن انتبهو من الحروب الزلازل الاعاصير لان حركة الكواكب الحالية ممكن تستمر التأثيرات تبعها لبعدين و هالشي بقل تدريجيا بس لازم نكون حذرين..
و اخيرا لازم نبه عالامن الغذائي العالمي لان نحنا بحاحة موارد جديدة و الازمة الاقتصادية ممكن تكون قريبة..
بتمنى نفكر صح و ننتبه هالفترة لتمرق على خير و انشالله ما بعد الضيق الا الفرج و الله يحمي الجميع ”

الفلكي منيب الشيخ يتكلم عن تأثير فيروس كورونا المدمر في العالم بشكل عام و سوريا بشكل خاص

المزيد من الأخبار عبر موقع طرطوس اليوم هنا 

تابعوا قناة طرطوس اليوم عبر التلغرام هنا

اترك رد

لن يتم نشر عنوان بريدك الإلكتروني.